Tagħmir tal-IT
Probabbilment se jkollok bżonn kompjuter jew laptop b’aċċess għan-netwerk interna tal-organizzazzjoni tiegħek biex taħdem mid-dar. Mingħajr aċċess għan-netwerk tal-organizzazzjoni tiegħek, taf ma tkunx tista’ tara dak kollu li teħtieġ. Dan jaf jiġi pprovdut mill-impjegatur tiegħek, jew forsi tkun tista’ taċċessa n-netwerk mill-apparat tiegħek stess.
Suġġeriment: Skont ir-rwol tiegħek, jaf tkun teħtieġ it-tieni skrin sabiex tkun tista’ tara b’mod faċli d-diversi dokumenti jew paġni fl-istess ħin. Jekk m’għandekx it-tieni monitor tal-kompjuter id-dar, staqsi lill-impjegatur jekk jistax jipprovdilek wieħed. Jekk le, tista’ anke tipprova tqabbdu ma’ skrin tat-televiżjoni bl-użu ta’ kejbil HDMI.
Telefon
Xogħol mid-dar ma jfissirx li ma tistax iżżomm kuntatt mal-kollegi tiegħek. Li jkollok mod ta’ komunikazzjoni huwa essenzjali biex taħdem fuq kompiti mal-ko-ħaddiema tiegħek u b’hekk tista’ taħdem aktar malajr milli kieku trid toqgħod tistenna email.
Suġġeriment: Uża t-telefon tax-xogħol tiegħek jekk għandek wieħed, jew itlob lill-impjegatur tiegħek biex jittrasferixxi n-numru tax-xogħol tiegħek fuq in-numru personali tiegħek. Staqsi lill-organizzazzjoni tiegħek jekk hux diġà għandha għodda għall-komunikazzjoni sabiex taċċerta ruħek li qed tuża l-għodda t-tajba. Jekk le, tista’ tissuġġerixxi għodda li inti u l-pari tiegħek huma familjari magħha (eż. Google Hangouts, Skype jew Zoom).
Spazju tajjeb b’superfiċje iebes
Is-superfiċje ideali huwa skrivanija kbira, li hi kbira biżżejjed għalik biex tpoġġi l-apparat tiegħek u kwalunkwe karta li teħtieġ. Madankollu, jekk m’għandekx skrivanija bl-istil tal-uffiċċju d-dar, il-mejda tal-kċina jew tal-kamra tal-pranzu tkun tajba wkoll. Ipprova evita superfiċji baxxi ħalli ma jkollokx għalfejn tistrieħ ’il quddiem iżżejjed.
Suġġeriment: Jekk normalment taħdem ma’ skrivanija bilwieqfa, jaf tkun teħtieġ naqra kreattività. Tista’ tiżbarazza spazju fuq il-bank tal-kċina tiegħek? U minjaf kieku tuża t-tavla tal-mogħdija bħala skrivanija improvizzata? Agħmel dak li hu tajjeb għalik.
... u siġġu ta’ kwalità tajba
Tinstema’ ovvja, imma mingħajr siġġu tajjeb, l-iskrivanija jew il-mejda tiegħek m’għandhiex użu. Idealment, ikollok bżonn siġġu tal-uffiċċju jew siġġu tal-kamra tal-pranzu b’dahar li jagħti s-sapport. Xogħol mid-dar ma għandux ifisser nuqqas ta’ kumdità.
Suġġeriment: Ipprova evita li taħdem fuq is-sodda jew fuq is-sufan - għalkemm forsi għall-ewwel dan jaf jidher komdu, x’aktarx li ma jkunx tajjeb għal dahrek jew għall-produttività tiegħek.
Xi mkien fejn tirrilassa
Ma tridx tħossok li qiegħed ix-xogħol 24/7. Xorta se tkun teħtieġ tirrilassa meta tispiċċa l-ġurnata tax-xogħol. Dan jaf ifisser li l-ispazju tax-xogħol tiegħek jinżamm separat mill-postijiet fejn tħobb tirrilassa.
Suġġeriment: Ipprova ddedika post fid-dar tiegħek li jkun strettament għax-xogħol - kemm jekk tkun kamra sħiħa jew skrivanija/medja u siġġu speċifiċi. Dan jgħinek biex “taqta’” mix-xogħol meta titlaq minn dak l-ispazju.
Ġaladarba dawn l-elementi fundamentali jkunu tpoġġew fis-seħħ biex tkun tista’ tibda taħdem, iċċekkja l-artiklu tagħna dwar kif tkun produttiv(a) meta tkun qed taħdem mid-dar.
Links relatati:
Kif tkun produttiv(a) meta tkun qed taħdem mid-dar
Aqra aktar:
Il-kundizzjonijiet tal-għajxien u tax-xogħol fil-pajjiżi tal-EURES
Il-Bażi tad-Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Online li għadhom se jsiru
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 24 April 2020
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Ideat u Suġġerimenti
- Aħbarijiet dwar is-suq tax-xogħol/aħbarijiet dwar il-mobilità
- Żgħażagħ
- Sezzjoni(jiet) relatati
- Għajnuna u appoġġ
- L-Għajxien u x-Xogħol
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles