Fimm nauðsynleg atriði sem þú þarft til að vinna heiman frá þér

Upplýsingatæknibúnaður

Þú þarft líklega tölvu eða fartölvu með aðgangi að innra neti fyrirtækisins til að geta sinnt vinnunni heiman frá þér. Ef þú hefur ekki aðgang að innra netinu er ekki víst að þú getir skoðað allt sem þú þarft. Það getur verið að vinnuveitandinn sjá þér fyrir honum eða þá að þú tengist innra netinu í gegnum eigið tæki.

Ráð: Það getur verið að starf þitt krefjist þess að þú þurfir annan tölvuskjá svo þú getir auðveldlega skoðað mörg skjöl eða síður á sama tíma. Ef þú ert ekki með tvo tölvuskjái heima hjá þér skaltu spyrja vinnuveitanda þinn hvort hann geti útvegað þér einn í viðbót. Ef ekki getur þú jafnvel reynt að tengjast sjónvarpinu þínu með HDMI snúru.

Sími

Þó að þú sért heima þýðir það ekki að þú getir ekki verið í sambandi við samstarfsmenn þína. Samskipti eru nauðsynleg til að vinna að verkefnum með vinnufélögum og símtal getur verið mun hraðvirkara en að bíða eftir tölvupósti.

Ráð: Notaðu vinnusíma ef þú ert með slíkan eða biddu vinnuveitanda þinn um að flytja tímabundið vinnunúmerið þitt yfir í heimasímann þinn. Spyrðu fyrirtækið þitt hvort það hafi þegar komið sér upp samskiptatóli svo þú sért viss um að nota það rétta. Ef ekki getur þú stungið upp á tóli sem þú og samstarfsmenn þínir þekkja (t.d. Google Hangouts, Skype eða Zoom).

Gott rými með hörðu yfirborði

Kjörið yfirborð er stórt skrifborð, nægilega stórt fyrir öll nauðsynleg tæki og tól. En ef þú ert ekki með skrifborð heima hjá þér getur þú einnig notast við eldhús- eða borðstofuborðið. Reyndu að forðast lág borð svo þú þurfir ekki að halla þér of mikið fram.

Ráð: Ef þú vinnur venjulega við standandi skrifborð getur verið að þú þurfir að sýna hugvitssemi. Getur þú rýmt til á eldhúsbekknum? Hvað með að nota strauborðið til bráðabirgða? Gerðu það sem hentar þér.

… og vandaðan stól

Það liggur í augum uppi en án þess að vera með góðan stól er skrifborðið eða borðið gagnslaust. Helst þarftu skrifborðsstól eða borðstofustól með bakstuðningi. Heimavinna ætti ekki að þýða óþægindi.

Ráð: Reyndu að forðast það að vinna uppi í rúmi eða á sófanum – þó að það kunni að virðast þægilegt í fyrstu er ólíklegt að það sé gott fyrir bakið eða afköstin.

Staður til afslöppunar

Þú vilt ekki fá á tilfinninguna að þú vinnir allan sólarhringinn. Þú verður að geta slakað á þegar vinnudeginum lýkur. Það getur þýtt að aðskilja vinnurýmið frá stöðunum þar sem þú vilt slaka á.

Ráð: Reyndu að velja stað á heimilinu sem er aðeins fyrir vinnuna – hvort sem það er heilt herbergi eða tiltekið skrifborð/borð og stóll. Það hjálpar þér að „kúpla“ þig frá vinnunni þegar þú yfirgefur rýmið.

Þegar þú hefur komið þessum grundvallaratriðum á hreint til að koma þér í gang skaltu lesa greinina okkar svona kemurðu hlutunum í verk þegar þú vinnur heiman frá þér.

 

Tengdir hlekkir:

Google Hangouts

Skype

Zoom

Svona kemurðu hlutunum í verk þegar þú vinnur heiman frá þér

 

Nánari upplýsingar:

Evrópskir atvinnudagar

Drop’pin@EURES

Finna Eures ráðgjafa

Atvinnu- og búsetuskilyrði í Eures-löndum

Vinnugagnagrunnur Eures

Þjónusta Eures fyrir vinnuveitendur

Viðburðadagatal Eures

Næstu viðburðir á Netinu

Eures á Facebook

Eures á Twitter

Eures á LinkedIn