Ħila li kulħadd ifittex
L-internet għamilha aktar faċli minn qatt qabel għall-kumpaniji biex jespandu għas-swieq internazzjonali. B’ħafna negozji iżgħar li qed jilħqu klijenti u sħab internazzjonali, numru dejjem jikber ta’ offerti ta’ impjieg jeħtieġu li persuna tkun taf it-tieni lingwa. Għalhekk, kemm jekk qed tfittex xogħol f’korporazzjoni kbira kif ukoll f’kumpanija żgħira, hemm ċans kbir li trid tkun titkellem tal-anqas lingwa barranija waħda.
Uri li int differenti mill-oħrajn
Il-kompetizzjoni fis-suq tax-xogħol tista’ tkun iebsa, bl-offerti ta’ impjieg li kulħadd ikun jixtieqhom jirċievu mijiet, xi drabi eluf, ta’ applikazzjonijiet. Li tkun taf it-tieni jew it-tielet lingwi jista’ jgħinek tispikka mill-oħrjan, speċjalment meta l-esperjenza u l-kwalifiki tiegħek ikunu jixbħu lil dawk tal-kandidati l-oħrajn. Kun ċert li l-ħiliet lingwistiċi tiegħek huma inklużi f’post prominenti fis-CV tiegħek ħalli żgur jidhru.
Saħansitra hemm min jargumenta li, b’35 % tal-Ewropej ta’ bejn il-25 u l-64 sena huma bilingwi, li titkellem b’żewġ lingwi ma għadhiex xi ħaġa daqshekk unika, u dawk li qed ifittxu x-xogħol għandhom jimmiraw li jitgħallmu t-lingwa barranija biex jispikkaw.
Salarju ogħla
L-impjegati li kapaċi jitkellmu b’lingwa barranija ġeneralment jitħallsu aħjar minn dawk li huma monolingwi. Studju jissuġġerixxi li jekk titkellem b'tieni lingwa hemm il-probabilità li s-salarju tiegħek ikun bejn 11 % u 35 % aktar, skont il-lingwa u l-pajjiż li tkun ibbażat fih. Pereżempju, fi Franza hemm aktar kelliema tal-Ispanjol bħala t-tieni lingwa milli hemm fil-Latvja, u għalhekk id-domanda għal din il-lingwa tvarja bejn dawn iż-żewġ pajjiżi.
Aktar opportunitajiet ta’ xogħol
Li tkun bilingwi jew multilingwi jista’ jiftaħlek bibien fi swieq tax-xogħol ġodda. Li taħdem ma’ kumpanija barranija ma għadux ifisser li trid tirriloka. Issa li x-xogħol mid-dar qiegħed jiżdied minħabba l-COVID-19, il-kumpaniji huma ħafna aktar disposti minn qabel li jimpjegaw teleħaddiema. Għalhekk apparti li tfittex impjiegi li jeħtieġu l-lingwi li titkellem, tista’ wkoll tfittex swieq tax-xogħol fil-pajjiżi ta’ dawk il-lingwi. Portali internazzjonali tax-xogħol bħall-EURES huma l-post perfett għalik biex tibda tfittex.
Li tkun bilingwi jagħti spinta lil ħiliet oħrajn
Ir-riċerka tissuġġerixxi li n-nies li jitkellmu b’lingwa barranija waħda jew aktar huma aħjar biex isolvu l-problemi, u huma aktar kreattivi u aktar kapaċi jagħdru. Li ssolvi l-problemi, tkun kreattiv u taf tagħder huma ħiliet personali imprezzabbli li kwalunkwe impjegatur japprezza f’kandidat. Jingħad ukoll li persuni bilingwi u multilingwi huma aktar disposti jaċċettaw il-perspettiva ta’ nies oħrajn u aħjar biex jistabbilixxu konnessjonijiet interpersonali, li huma ħiliet tajbin ukoll, speċjalment f’oqsma bħas-servizz għall-klijenti u r-relazzjonijiet kummerċjali.
Trid tipprattika l-ħiliet lingwistiċi u taġġorna l-għarfien tiegħek? Iċċekkja dawn l-għodod għat-tagħlim tal-lingwi mingħajr ħlas biex jgħinuk ittejjeb il-ħiliet tiegħek mid-dar.
Fi sħubija mal-EURES, il-Portal Ewropew dwar il-Mobilità fix-Xogħol.
Links relatati:
Fl-Ewropa, li wieħed jitkellem aktar minn lingwa waħda għadu privileġġ
Skont ir-riċerka, in-nies bilingwi huma aktar intelliġenti, aktar kreattivi u aktar kapaċi jagħdru.
Il-primjum tal-paga mill-ħiliet f’lingwi barranin
Aqra aktar:
Kondizzjonijiet tal-ħajja u tax-xogħol fil-pajjiżi tal-EURES
Il-Bażi ta’ Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Online li se ġejjin
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 22 Ġunju 2021
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Aħbarijiet dwar is-suq tax-xogħol/aħbarijiet dwar il-mobilità
- Xejriet ta' reklutaġġ
- Żgħażagħ
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles