“Li naħdem barra mill-pajjiż dejjem kienet il-ħolma tiegħi”
Meta Julia, studenta tat-turiżmu, attendiet Ġurnata ddedikata għall-Karrieri tal-EURES organizzata fil-kampus tal-Università tax-Xjenzi Applikati ta’ Satakunta, fil-Lbiċ tal-Finlandja, ma kinitx taf li dan kien se jkun il-bidu ta’ vjaġġ li se jibdlilha ħajjitha.
“Iddeċidejt li mmur u nagħti ħarsa għaliex li naħdem barra mill-pajjiż dejjem kienet il-ħolma tiegħi,” qalet iż-żagħżugħa Finlandiża.
Ġimagħtejn wara li tkellmet mal-Konsulenti tal-EURES tal-Irlanda waqt l-avveniment, Julia rċeviet email mingħandhom dwar kollokamenti tax-xogħol għal studenti Finlandiżi fi grupp ta’ lukandi fl-Irlanda. “Kont fi żmien f’ħajti fejn kelli bżonn bidla fl-ambjent u fl-istil ta’ ħajja. Ma kien hemm xejn xi jwaqqafni, għalhekk ħsibt li kien iż-żmien perfett biex nagħmel xi ħaġa bħal din.”
L-istudent kulinari Tuomas ukoll kien ħerqan ħafna biex jikseb ftit esperjenza professjonali internazzjonali. “Meta smajt dwar l-opportunità li naħdem barra mill-pajjiż, inktibt immedjatament,” qal il-kok żagħżugħ li għadu qed jitħarreġ.
Tuomas sar jaf dwar l-EURES mill-għalliem tiegħu Jukka Mäkinen, li ħeġġu japplika u tah parir dwar kif jistaqsi l-mistoqsijiet it-tajba.
“Kien eċitanti ħafna li mmur barra mill-pajjiż waħdi għall-ewwel darba,” ftakar l-istudent kulinari żagħżugħ.
Julia u Tuomas huma kuntenti ħafna bl-appoġġ li rċevew mill-Konsulenti tal-EURES tagħhom fil-Finlandja, li għenuhom jirranġaw id-dokumenti tax-xogħol tagħhom, tawhom pariri prattiċi u ggwidawhom fl-applikazzjoni għal għajnuna finanzjarja mill-UE.
“Opportunità tajba ħafna biex titgħallem b’mod ġdid u eċitanti”
Bħala receptionist fil-lukanda Sheraton Athlone Hotel, Julia kienet responsabbli miċ-check-in u ċ-checkout tar-residenti kollha, li twieġeb it-telefons, tiġġestixxi l-prenotazzjonijiet, twieġeb għat-talbiet tar-residenti, toħroġ il-kontijiet, tikkonvinċi lill-klijenti jixtru aktar, tibbukkja t-taksis u tipprovdi l-informazzjoni lit-turisti. “Innotajt li l-Ingliż tiegħi tjieb ħafna. Inħossni li sirt ukoll aktar fiduċjuża u rilassata meta nkun qed naqdi lill-klijenti.”
Matul il-kollokament tax-xogħol tiegħu, Tuomas kien jaħdem fil-kċina tal-lukanda Hodson Bay Hotel, fiċ-ċentru tal-Irlanda, fejn kiseb għarfien dwar il-kumplessitajiet tal-kċina Irlandiża, tgħallem tekniki ġodda tat-tisjir, u tejjeb il-ħiliet ta’ komunikazzjoni tiegħu. “Nirrakkomanda ħafna l-parteċipazzjoni f’dan il-programm għaliex din hija opportunità ferm tajba biex wieħed jitgħallem b’mod ġdid u eċitanti,” jgħid il-kok żagħżugħ.
“Esperjenza sabiħa li nibqa’ niftakar”
Iż-żewġ Finlandiżi jgħidu b’fiduċja li l-esperjenza tal-EURES tagħhom ma kinitx biss tajba ħafna għall-karrieri tagħhom – din għenithom ukoll jikbru bħala persuni u jagħmlu memorji li jibqgħu jiftakru tul ħajjithom. “Li taħdem barra mill-pajjiż huwa xi ħaġa li kulħadd għandu jipprova,” irrakkomandat Julia. “Titgħallem ħafna u tikseb perspettiva ġdida dwar l-affarijiet.” Tuomas jiftakar bil-qalb: “Il-kollokament tiegħi fl-Irlanda kien tassew memorabbli u sabiħ!”
Ħaġa oħra imprezzabbli li ż-żewġ studenti kisbu matul iż-żmien tagħhom barra minn pajjiżhom kienu l-ħbiberiji. Tuomas għamel ħbieb ma’ dak li kien jikkondividi l-kamra miegħu u l-kollega tiegħu Jaïro, li għadu jżomm kuntatt miegħu. Sadanittant, Julia ltaqgħet mal-għarus tagħha Stephen, u qed tikkunsidra li tiftaħ bed and breakfast miegħu fil-futur.
In-network tal-EURES ikopri l-pajjiżi kollha tal-UE kif ukoll l-Iżlanda, il-Liechtenstein, in-Norveġja u l-Iżvizzera. Tgħallem aktar dwar x'jagħmel l-EURES.
Links relatati:
X’jista’ jagħmel għalik l-EURES
Aqra aktar:
Il-kundizzjonijiet tal-għajxien u tax-xogħol fil-pajjiżi tal-EURES
Il-Bażi tad-Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Online li għadhom ġejjin
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 5 Marzu 2021
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Kaxxa tal-għodda tal-UE għall-mobilità
- L-aħjar prattika tal-EURES
- Taħriġ EURES
- Partijiet interessati esterni
- Stejjer ta' suċċess
- Żgħażagħ
- Sezzjoni(jiet) relatati
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles