L-aqwa ħaġa dwar l-EOJDs hija li inti ma jkollokx għalfejn tkun fil-belt ospitanti. Avvenimenti fuq il-post jistgħu wkoll jiġu aċċessati online sabiex inti tkun tista’ tipparteċipa irrispettivament minn fejn tkun fl-Ewropa.
Il-parteċipazzjoni f’jum għall-impjiegi tista’ tkun esperjenza intimidanti, għalhekk sew jekk tkun qed tattendi personalment jew jekk tkun qed tipparteċipa online, qed ngħaddulek xi ftit pariri biex jgħinuk tipprepara u tibbenefika minn din l-esperjenza.
Agħmel ir-riċerka
Biex tieħu sehem f’EOJD ikollok bżonn tirreġistra minn qabel. L-avvenimenti huma b’xejn, għalhekk ir-reġistrazzjoni hija sempliċi. Il-pass li jmiss huwa li tagħmel ir-riċerka dwar il-kumpaniji parteċipanti, il-proġetti u l-valuri ewlenin tagħhom.
Il-lista ta’ organizzazzjonijiet li jkunu se jipparteċipaw tiġi ppubblikata minn qabel fuq il-paġna tal-avveniment, sabiex inti tkun tista’ tiddeċiedi ma’ min tixtieq titkellem u tħejji xi mistoqsijiet xierqa. Li tkun kapaċi turi għarfien tal-kumpaniji u l-proġetti tagħhom, juri li għandek interess u taf tieħu l-inizjattiva, u jistgħu jgħinuk tispikka aktar.
Applika għal impjiegi minn qabel
L-impjiegi huma wkoll disponibbli online, u l-parteċipanti jistgħu japplikaw minn qabel. Meta tagħmel dan tkun tista’ tippjana bil-quddiem u timmassimizza l-ħin tiegħek matul tmiem il-ġimgħa. Dan jagħtik l-opportunità li tagħmel riċerka dwar il-kumpaniji f’aktar dettall.
Qabel ma tapplika, hemm xi affarijiet li għandek tikkunsidra. “Agħti ħarsa lejn kif tidher CV fil-Ġermanja u x’tip ta’ informazzjoni jkun fihom. Jista’ jkun hemm differenzi kbar bejn dak li CV ikun jeħtieġ f’pajjiżek u dak li jeħtieġ CV fil-pajjiż li tixtieq taħdem fih,” tispjega Natalia Giménez Pérez, Konsulent miċ-Ċentru Ġermaniż ta’ Appoġġ tal-Migrazzjoni tas-Servizz Pubbliku għall-Impjiegi. Hija żiedet tgħid, “il-kumpaniji Ġermaniżi jitolbu għal “ittra ta’ motivazzjoni” li għandha tispjega għalfejn tixtieq tapplika għal impjieg ma’ din il-kumpanija u għal din il-pożizzjoni tax-xogħol b’mod speċifiku”.
Preparazzjoni għall-intervista
“Ipprepara preżentazzjoni qasira dwarek bl-Ingliż jew bil-Ġermaniż biex tuża waqt it-taħditiet tiegħek mal-impjegaturi. Żomm f’moħħok li informazzjoni differenti dwarek tista’ tkun importanti għall-kumpaniji differenti u għall-pożizzjonijiet ta’ xogħol differenti,” tgħid Natalia.
Barra minn hekk, għandek tipprepara tweġibiet għal mistoqsijiet komuni bħal “Għaliex trid taħdem għall-kumpanija tagħna?” u “Għaliex inti l-kandidat ideali għal din il-pożizzjoni?”
Natalia tirrakkomanda wkoll li għandek tagħmel l-istess fir-rigward tal-pajjiż li tixtieq tmur tgħix fih. Impjegaturi jistgħu jistaqsu għaliex trid taħdem fil-Ġermanja, u jistaqsu dwar l-għarfien tiegħek dwar ir-reġjun fejn tinsab il-kumpanija tagħhom. “Li tkun kapaċi twieġeb għal dawn il-mistoqsijiet juri li għandek pjan imħejji sew u mhux biss ħsieb spontanju,” tispjega hi.
Xi suġġerimenti tal-aħħar
Jekk inti tkun tista’ tattendi għall-avveniment fuq il-post, tkun trid tagħti impressjoni tajba tiegħek innifsek. Aċċerta ruħek li tilbes adattat, li jkollok għarfien tajjeb tal-Ingliż jew tal-Ġermaniż u li jkollok xi CVs stampati li tkun tista’ tagħti lill-esibituri (bl-Ingliż jew bil-Ġermaniż).
Għal dawk li jipparteċipaw online, ivverifika minn qabel li t-tagħmir tiegħek ikun qiegħed jaħdem sew. Kun żgur li għandek konnessjoni WiFi jew bil-cable stabbli, u kun żgur li l-ispeakers/il-headset u l-webcam tiegħek jaħdmu tajjeb.
Għal aktar informazzjoni dwar l-avveniment li jmiss ta' Make it in Germany: Jum Ewropew għall-Impjiegi (online), żur Is-sit web ta’ Make it in Germany jew il-Paġna tal-avvenimenti tal-EURES.
Links relatati:
Is-sit web ta’ Make it in Germany
Il-paġna tal-avvenimenti tal-EURES
Aqra aktar:
Kundizzjonijiet tax-xogħol u l-għajxien fil-pajjiżi tal-EURES
Il-Bażi tad-Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avvenimenti Onlineli ġejjin
L-EURES fuq Facebook
L-EURES fuq Twitter
L-EURES fuq LinkedIn
Dettalji
- Data tal-pubblikazzjoni
- 14 Marzu 2019
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Kaxxa tal-għodda tal-UE għall-mobilità
- Aħbarijiet esterni tal-EURES
- Ideat u Suġġerimenti
- Ġranet tax-Xogħol/Avvenimenti
- Aħbarijiet dwar is-suq tax-xogħol/aħbarijiet dwar il-mobilità
- Żgħażagħ
- Sezzjoni(jiet) relatati
- Għajnuna u appoġġ
- Settur
- Accomodation and food service activities
- Activities of extraterritorial organisations and bodies
- Activities of households as employers, undifferentiated goods- and services
- Administrative and support service activities
- Agriculture, forestry and fishing
- Arts, entertainment and recreation
- Construction
- Education
- Electricity, gas, steam and air conditioning supply
- Financial and insurance activities
- Human health and social work activities
- Information and communication
- Manufacturing
- Mining and quarrying
- Other service activities
- Professional, scientific and technical activities
- Public administration and defence; compulsory social security
- Real estate activities
- Transportation and storage
- Water supply, sewerage, waste management and remediation activities
- Wholesale and retail trade; repair of motor vehicles and motorcycles