Allt um Erasmus+

Ungmenni

Erasmus+ býður ungmennum (frá13 til 30 ára) tækifæri til að öðlast nýja kunnáttu, kynnast ólíkri menningu, læra ný tungumál og sanka að sér dýrmætri reynslu innan þeirra áhugasviðs.

Í ungmennaskiptum tekur ungt fólk frá einu eða fleiri löndum ESB þátt í sameiginlegu verkefni og svo er hægt að sækja um sjálfboðastörf erlendis í gegnum evrópsku sjálfboðaliðaþjónustuna (EVS).

Námsmenn

Námsmenn geta lært erlendis í gegnum Erasmus+ og bætt um leið samskiptahæfni, tungumálakunnáttu og menningarlæsi í nýju og framandi umhverfi. Námstíminn getur verið 3 til 12 mánuðir fyrir námsmenn á grunnháskólastigi, masters- eða doktorsstigi.

Af öðrum námsmöguleikum má nefna starfsþjálfun erlendis, en hún getur falið í sér starfsþjálfunarstöðu eða starfsnám. Þessi möguleiki, sem býðst bæði núverandi námsmönnum og nýútskrifuðum, getur náð yfir 2 til 12 mánaða tímabil og gerir ungu fólki kleift að efla hæfni sína og kynnast í leiðinni ólíkri menningu.

Samtök og stofnanir

Erasmus+ býður upp á alls konar tækifæri fyrir samtök og stofnanir á sviði menntunar, námskeiða, æskulýðsmála og íþrótta. Samtök og stofnanir á æðra skólastigi getasent starfsfólk sitt á námskeið eða til að kenna erlendis. Kennsla og námskeið eru líka í boði fyrir starfsfólk starfsmenntunar, starfsfólk skóla, starfsfólk fullorðinsfræðslu og starfsfólk æskulýðsmála.

Styrkir eru veittir fyrir nýsköpunarverkefni sem ætlað er að bæta starfshætti með stefnumótandi samstarfi, þekkingarbandalögum og atvinnugreinabandalögum. Verkefni sem efla hæfni og þekkingu stuðla að nútímavæðingu æðri mennuntarstigs og þróun æskulýðsstarfa og óformlegrar menntunar.

Frekari upplýsingar

Frekari upplýsingar um Erasmus+ áætlunina og það sem hún hefur upp á bjóða fyrir ungmenni og samtök má finna á vefsíðu áætlunarinnar.

Tengdir hlekkir:

býður ungmennum

námsmöguleikum

tækifæri fyrir samtök og stofnanir

Nánari upplýsingar:

Evrópskir atvinnudagar

Drop’pin@EURES

Finna EURES ráðgjafa

Atvinnu- og búsetuskilyrði í EURES-löndum

Vinnugagnagrunnur EURES