Mur għall-kontenut ewlieni
EURES (EURopean Employment Services)
Artiklu tal-aħbarijiet26 Lulju 2019L-Awtorità Ewropea tax-Xogħol, Id-Direttorat Ġenerali tal-Impjiegi, l-Affarijiet Soċjali u l-Inklużjoni

6 pariri biex tistudja barra minn pajjiżek fl-Ewropa

Hemm firxa ta’ opportunitajiet biex tistudja barra minn pajjiżek fl-Ewropa li hi adattata għal kulħadd. Li tmur barra minn pajjiżek tista’ tkun intimidanti, iżda tista’ titgħallem ħafna mill-esperjenza. Hawnhekk għandek issib xi pariri dwar kif tikseb l-aħjar mill-esperjenza fl-istudju tiegħek barra minn pajjiżek.

6 tips for studying abroad in Europe
Shutterstock

Organizza l-għażla tal-kors tiegħek minn qabel

Jekk possibbli, għandek torganizza l-ispeċifiċitajiet tal-kors u l-krediti tiegħek qabel ma tivvjaġġa lejn l-università magħżula jew il-kulleġġ magħżul tiegħek. Jekk se tagħmel żjara ta’ skambju, il-proċessi amministrattivi jistgħu jkunu differenti minn dawk tal-istituzzjoni domiċiljari tiegħek, għalhekk tista’ tieħu ż-żmien biex tifhem kif jaħdmu l-affarijiet. Li jkollok pjan fis-seħħ qabel tasal ifisser li tkun tista’ tevita stress mhux meħtieġ fl-ewwel jiem diffiċli tal-programm tiegħek ta’ studju barra minn pajjiżek.

Staqsi mistoqsijiet

Mod tajjeb biex tħejji ruħek għall-istudju tiegħek barra minn pajjiżek hu li tistaqsi lin-nies li segwew l-istess programm dwar l-esperjenzi tagħhom. B’hekk, jaf tkun tista’ tikseb informazzjoni imprezzabbli dwar il-korsijiet jew il-moduli disponibbli, informazzjoni prattika dwar l-akkomodazzjoni, jew suġġerimenti għall-postijiet fejn tista’ żżur, pereżempju. Tista’ wkoll tkun kapaċi tagħmel kuntatt ma’ oħrajn li se jkunu qed jistudjaw flimkien miegħek permezz ta’ paġni tal-midja soċjali u l-gruppi, fejn tkunu tistgħu taqsmu l-għarfien tagħkom ma’ xulxin.

Iltaqa’ man-nies tal-lokal

Jekk tixtieq ittejjeb il-ħiliet lingwistiċi tiegħek, li titkellem mal-kelliema nattivi huwa l-aħjar mod kif titgħallem. Pereżempju, tista’ tiltaqa’ ma’ persuni ġodda li jingħaqdu ma’ gruppi u soċjetajiet ibbażati fuq l-interessi tiegħek, jew li tattendi skambju ta’ lingwa f’ħanut tal-kafé. Billi ssir taf in-nies tal-lokal, tista’ wkoll tkun fortunat/a biżżejjed li taqsam l-esperjenza ta’ attivitajiet kulturali u avvenimenti lokali, pereżempju, u tagħmel konnessjonijiet fit-tul fil-post tal-istudju tiegħek.

Involvi ruħek b’mod attiv

Minflok ma żżomm ma’ dak li taf, ipprova involvi ruħek b’mod attiv fil-kultura tal-pajjiż fejn qed tistudja. Ipprova l-ikel lokali u informa ruħek dwar l-istorja u l-kultura lokali. Dan se jarrikkixxi l-esperjenza ta’ studju tiegħek barra minn pajjiżek, u jista’ jagħti kuntest siewi lil-lingwa li qed titgħallem. Agħmel l-aħjar użu mill-ħin liberu tiegħek billi żżur bliet fil-qrib, siti famużi, postijiet ta’ interess storiku, żoni ta’ sbuħija naturali, mużewijiet u ċentri kulturali oħra bħal teatri, swali tal-kunċerti u gallariji tal-arti.

Ipprova xi ħaġa ġdida

Jekk għadek ma titkellimx il-lingwa tal-pajjiż fejn qed tistudja, għaliex ma tirreġistrax f’kors tal-bidu? Inkella, tista’ tibda tagħmel xi tip ta’ sport jew passatemp ġdid waqt li tkun barra minn pajjiżek. Jista’ jkun hemm ukoll attivitajiet offruti li ma tkunx tista’ tipprova f’pajjiżek. Għaliex ma tippruvax xi wieħed minnhom?

Tinsiex tistudja!

Għalkemm trid tagħmel l-aħjar użu mill-ħin barra minn pajjiżek, xorta trid tgħaddi mill-korsijiet tiegħek. Ħalli ftit ħin kuljum biex tistudja u ssirx kompjaċenti. Jekk tkun qed tistudja l-lingwa, ħu vantaġġ mill-ambjent immersiv u fittex kull opportunità biex tipprattika. Għalfejn ma tippruvax iżżomm ftit ħin liberu kull jum biex tiffoka li tirfina ħila partikolari?

Nittamaw li dan il-parir jgħinek ikollok esperjenza fantastika matul il-programm ta’ studju tiegħek barra minn pajjiżek! Iċċekkja l-artikli relatati tagħna dwar għaliex għandek tmur taħdem barra minn pajjiżek  u kif il-fatt li tgħix barra minn pajjiżek jista’ jtejjeb l-għarfien tiegħek innifsek.

Fi sħubija mal-EURES, il-Portal Ewropew dwar il-Mobilità fix-Xogħol

 

Links relatati:

Ħames raġunijiet għaliex għandek taħdem barra minn pajjiżek

Jista’ l-fatt li tgħix barra minn pajjiżek itejjeb l-għarfien tiegħek innifsek?

 

Aqra aktar:

Jiem Ewropej tal-Impjiegi

Drop’pin@EURES

Sib Persunal tal-EURES

Kundizzjonijiet tax-xogħol u l-għajxien fil-pajjiżi tal-EURES

Il-Bażi tad-Data tal-Impjiegi tal-EURES

Is-servizzi tal-EURES għall-impjegaturi

Il-Kalendarju tal-Avvenimenti tal-EURES

Avvenimenti Onlineli ġejjin

L-EURES fuq Facebook

L-EURES fuq Twitter

L-EURES fuq LinkedIn

Temi
Ideat u SuġġerimentiŻgħażagħ
Sezzjoni(jiet) relatati
L-Għajxien u x-Xogħol
Settur
Accomodation and food service activitiesActivities of extraterritorial organisations and bodiesActivities of households as employers, undifferentiated goods- and servicesAdministrative and support service activitiesAgriculture, forestry and fishingArts, entertainment and recreationConstructionEducationElectricity, gas, steam and air conditioning supplyFinancial and insurance activitiesHuman health and social work activitiesInformation and communicationManufacturingMining and quarryingOther service activitiesProfessional, scientific and technical activitiesPublic administration and defence; compulsory social securityReal estate activitiesTransportation and storageWater supply, sewerage, waste management and remediation activitiesWholesale and retail trade; repair of motor vehicles and motorcycles

Ċaħda

L-artikoli huma maħsuba biex jipprovdu lill-utenti tal-portal tal-EURES b'informazzjoni dwar suġġetti u xejriet kurrenti u biex jistimulaw id-diskussjoni u d-dibattitu. Il-kontenut tagħhom mhux bilfors jirrifletti l-opinjoni tal-Awtorità Ewropea tax-Xogħol (ELA) jew tal-Kummissjoni Ewropea. Barra minn hekk, EURES u ELA ma japprovawx websajts ta' partijiet terzi msemmija hawn fuq.