5 ráð í upphafi starfsferilsins

Fyrstu kynni skipta máli

Þegar þú byrjar í nýrri vinnu er það þess virði að taka þér tíma í að kynnast fólkinu sem þú munt vinna með frá fyrsta degi. Ef þú lærir nöfn þeirra, andlit, færni, reynslu og áhugamál mun það hjálpa þér við að mynda góð vinnusambönd og gera samstarfið mun auðveldara í framtíðinni.

Ekki vera hræddur við að biðja um hjálp

Við erum oft of þrjósk til að viðurkenna að við þurfum smá hjálp því við óttumst að við lítum út fyrir að vera óburðug eða jafnvel kjánaleg. En mundu, allir þurfa að byrja einhvers staðar og það er mikilvægur hluti af náminu að biðja samstarfsmenn þína um hjálp. Á einhverjum tímapunkti á starfsferlinum – einkum þegar þú ert að byrja hann – skaltu láta aðra vita að þú þurfir aðstoð.

Taktu áhættu

Frá þeirri stundu, sem þú hefur starfsferilinn, skaltu gæta þess að koma þér ekki of vel fyrir í tilteknu starfi. Það er auðvelt að festast í einhæfum rútínum, þar sem þú hættir að læra nýja færni og endar á því að fyllast leiðindum. Ef þú sérð þetta gerast hjá þér skaltu reyna að fara út fyrir þægindarammann og takast á við nýjar áskoranir sem gera þér kleift að vaxa. Settu þér ný markmið, taktu frumkvæði og ekki vera hræddur við að prófa nýja hluti – þannig lærir þú og þroskast í starfi.

Hafðu trú á getu þinni

Þetta er jafnvel einn af þeim hlutum, sem virðist augljós, en til að eiga góðan starfsferil þarftu að hafa trú á sjálfum þér. Lærðu að selja þig og ekki vera hræddur við að tala máli þínu – áttaðu þig á því sem þú gerir vel og ef þú áorkar einhverju sem þú ert stoltur af skaltu deila því með teyminu þínu. Fagnaðu árangri og mundu eftir því sem vel tekst fyrir framtíðina. Einkum gagnast slíkt ef þú sækist eftir stöðuhækkun eða ákveður að leita að nýju starfi.

Tengslanet, tengslanet, tengslanet

Tengslanet er oft lykillinn að árangursríkum starfsferli. Það getur virst vandræðalegt í fyrstu en skilvirkt tengslanet gerir þér kleift að komast í samband við fólk sem getur hjálpað þér að ná lengra á starfsferlinum þínum. Það eru margir staðir þar sem þú getur fundið áhugavert fólk sem vinnur á þínu sviði. Þar á meðal tengslanetsviðburðir, vinnustaðurinn þinn eða jafnvel faglegar samfélagsmiðlasíður eins og LinkedIn – svo þú ættir að prófa eins marga staði og þú getur til að skapa þér sem best tækifæri.

Við vonum að þessi ráð hjálpi þér við að vaxa og dafna á nýja starfsferlinum þínum. Gangi þér vel!

Grein gerð í samstarfi við EURES, vefgátt um flæði vinnuafls í Evrópu.

Nánari upplýsingar:

Evrópskir atvinnudagar

Drop’pin@EURES

Finndu EURES-starfsfólk

Atvinnu- og búsetuskilyrði í Eures-löndum

Vinnugagnagrunnur Eures

Þjónusta Eures fyrir vinnuveitendur

Viðburðadagatal Eures

Næstu viðburðir á Netinu

Eures á Facebook

Eures á Twitter

Eures á LinkedIn