Sven Dahlin mill-Iżvezja huwa s-COO għall-Majjistral tal-Ewropa ġewwa Global Savings Group u CupoNation. Fl-ambjent tal-uffiċċju, l-effiċjenza hija indispensabbli għalih, u f'dan l-artiklu huwa jippreżenta ħamsa mill-apps favoriti tiegħu sabiex wieħed jiffranka l-ħin matul il-ġurnata tax-xogħol.
1. TINY SCANNER
Din l-app tiskennja d-dokumenti (jew affarijiet simili) b'mod faċli ħafna billi tippermettilek tuża l-kamera fuq l-ismartphone tiegħek. Inti kemm tieħu r-ritratti tal-karti li jeħtieġ li jiġu skennjati, u Tiny Scanner tieħu ħsieb biex tikkroppjahom fil-format it-tajjeb, taġġusta s-setting tad-dawl u tpoġġihom kollha flimkien f'dokument ta' PDF. Fl-aħħar, inti kemm tiddeċiedi fejn tixtieq taħżnu jew tixxerjah.
Il-kwalità li tipprovdi Tiny Scanner hija aktar minn tajba u hi biżżejjed għal kollox minn kuntratti sa rċevuti, u l-mod li bih hija mqabbda sabiex tikkondividi l-apps - li jvarjaw minn WhatsApp sa Dropbox - jagħmel lil Tiny Scanner għażla ħafna aktar faċli u aktar effiċjenti milli tuża skenner antik.
Sir af aktar:
Niżżel bla ħlas:
2. TODOIST
Kull persuna għandha dawk il-kompiti ż-żgħar li teħtieġ tiftakar tagħmel f'xi ħin matul il-ġurnata jew matul il-ġimgħa, iżda m'għandhiex skadenza speċifika. Aktar milli timla l-kalendarju tax-xogħol standard tiegħek bihom, app bħal Todoist tista' tkun alternattiva tajba. Poġġi l-assignments f'Todoist, u kull filgħodu tirċievi avviż dwar x'għandek tagħmel "illum". Meta tlesti kompitu, kemm timmarkah bħala lest. Huwa faċli li ċċaqlaq il-kompiti, li tipposponihom għall-ġurnata ta' wara jew għall-ġimgħa ta' wara, u tista' wkoll tikkategorizzahom pereżempju f'tags privati u relatati max-xogħol.
Sir af aktar:
Niżżel bla ħlas:
3. TRELLO
Din hija l-app perfetta għall-allinjament tal-proġetti li bosta persuni jkunu qed jaħdmu fuqhom fl-istess waqt. Trello tagħmilha faċli ħafna sabiex tara kemm imxejt 'il quddiem fil-pipeline ta' proġetti differenti, u huwa responsabbli għall-biċċiet differenti tal-puzzle, u dak li jiġri wara.
L-app tagħmilha faċli għalik u għall-ko-ħaddiema tiegħek sabiex ikollok ħarsa ġenerali ċara tal-proġetti tiegħek, u tagħmel il-fluss tax-xogħol 10 darbiet b'anqas problemi għal kull persuna involuta.
Sir af aktar:
Niżżel bla ħlas:
4. OFFICE SYNDROME
Din l-applikazzjoni (jew oħrajn simili) għandhom jiġu rrakkomandati minn kwalunkwe maniġer għall-impjegati tiegħu. Għaliex? Xi eżerċizzju fiżiku matul il-ġurnata tax-xogħol huwa importanti ħafna sabiex tkun effettiv u tibqa' b'saħħtek. Le, mhux qed nitkellmu dwar li tmur ġirja matul l-ikla ta' nofsinhar, iżda sempliċiment eżerċizzji ta' stretching li kulħadd jista' jagħmel. Office Syndrome tagħtik twissija meta jkun il-ħin tagħmel ftit minnhom, u inti tiddeċiedi kemm-il darba fil-ġurnata tixtieq tagħmel stretching.
Niżżel bla ħlas:
5. DROPBOX
Dropbox hija applikazzjoni popolari li tippermettilek taħżen il-fajls kollha tiegħek b'mod sigur fil-"cloud", li jista' jkollok aċċess għalihom kullimkien, fi kwalunkwe ħin, sew jekk fuq il-kompjuter tiegħek, fuq il-mowbajl tiegħek jew fuq it-tablet tiegħek. Il-cloud terreferi għall-fatt li l-fajls tiegħek mhumiex maħżuna lokalment fuq l-apparat tiegħek, iżda fuq servers li huma ta' Dropbox. Din l-applikazzjoni hija l-ekwivalenti modern ta' ħard drajv estern.
Il-verżjoni bla ħlas tiġi bi spazju għall-ħażna ta' 2 GB, iżda ħafna kumpaniji għandhom tendenza li jixtru kontijiet tan-negozju għall-impjegati tagħhom, li jipprovdu spazju bla limitu. M'għandux x'jaqsam x'kont għandek, Dropbox tagħmilha faċli li tikkollabora fuq proġetti differenti - pereżempju, flimkien ma' Trello.
Sir af aktar:
Niżżel bla ħlas:
Links relatati:
Aqra aktar:
Sib Konsulent tal- EURES
Kundizzjonijiet ta' għajxien u xogħol fil-pajjiżi tal-EURES
Il-Bażi ta᾿ Data tal-Impjiegi tal-EURES
Is-servizzi tal-EURES għall-impjegaturi
Il-Kalendarju tal-Avvenimenti tal-EURES
Avveniment Online li jmiss
EURES fuq Facebook
EURES fuq Twitter
EURES fuq LinkedIn
EURES fuq Google+
Dettalji
- Data tal-pubblikazzjoni
- 18 Lulju 2017
- Awturi
- L-Awtorità Ewropea tax-Xogħol | Id-Direttorat Ġenerali tal-Impjiegi, l-Affarijiet Soċjali u l-Inklużjoni
- Temi
- Negozju/IntraprenditorijaPartijiet interessati esterniIdeat u SuġġerimentiŻgħażagħ
- Sezzjoni(jiet) relatati
- L-Għajxien u x-Xogħol
- Settur
- Accomodation and food service activitiesActivities of extraterritorial organisations and bodiesActivities of households as employers, undifferentiated goods- and servicesAdministrative and support service activitiesAgriculture, forestry and fishingArts, entertainment and recreationConstructionEducationElectricity, gas, steam and air conditioning supplyFinancial and insurance activitiesHuman health and social work activitiesInformation and communicationManufacturingMining and quarryingOther service activitiesProfessional, scientific and technical activitiesPublic administration and defence; compulsory social securityReal estate activitiesTransportation and storageWater supply, sewerage, waste management and remediation activitiesWholesale and retail trade; repair of motor vehicles and motorcycles