Mur għall-kontenut ewlieni
EURES (EURopean Employment Services)
Artiklu tal-aħbarijiet25 Marzu 2018L-Awtorità Ewropea tax-Xogħol, Id-Direttorat Ġenerali tal-Impjiegi, l-Affarijiet Soċjali u l-Inklużjoni

10 modi kif tispikka fuq LinkedIn

Li turi l-aspetti li inti tajjeb/tajba fihom u li tkun intelliġenti dwar dak li għandek tenfasizza huma l-qofol għal profil LinkedIn li jolqot l-għajn. Dawn huma għaxar pariri biex jgħinuk tispikka:

10 ways to stand out on LinkedIn
EURES
  1. Żid ritratt tal-profil tiegħek. Fir-ritratt tal-profil LinkedIn tiegħek għandek tkun tidher fl-aqwa tiegħek professjonalment. Żomm l-ilbies tiegħek relattivament formali, u inkludi biss rasek u spallejk, u tinsiex tidħak!
  2. Agħmel it-titolu ewlieni tiegħek deskrittiv Ibdel it-titolu ewlieni prestabbilit ta’ LinkedIn (li juri t-titolu tal-impjieg preżenti tiegħek) b’wieħed iktar deskrittiv.Pereżempju, minflok “Maniġer għall-Kummerċjalizzazzjoni” ipprova “Professjonista b’esperjenza fil-kummerċjalizzazzjoni u l-komunikazzjoni”.
  3. Aġġorna l-link tal-profil tiegħek. Agħti xeħta professjonali lill-profil tiegħek billi taġġorna l-URL tiegħek għall-profil personali tiegħek fuq LinkedIn - li normalment jinkludi serje ta’ ittri u numri - għal linkedin.com/in/ismek. Tista’ ssib din l-opzjoni billi tikklikkja fuq ir-ritratt żgħir tiegħek stess fl-istrixxa tal-menu fil-parti ta’ fuq nett tal-paġna u tmur fuq View profile > Edit public profile and URL (Ara l-profil > Editja l-profil u l-URL).
  4. Ikteb sommarju konċiż. Imbagħad, l-impjegaturi se jaqraw sommarju tal-profil tiegħek. Kun żgur li dan ikun jinkludi l-iktar informazzjoni importanti li tixtieq taqsam ma’ ħaddieħor, wisq probabbli jkunu l-kwalifiki uniċi tiegħek, l-esperjenza ewlenija tax-xogħol u l-mod ta’ kif tiġi kkuntattjat/a.
  5. Enfasizza l-ħiliet rilevanti tiegħek. LinkedIn iħallik telenka sa 50 ħila. Agħti ħarsa lejn il-listi għat-tip ta’ impjieg li int interessat fih biex tara liema ħiliet jenfasizzaw u mbagħad kun żgur li telenka dawk il-ħiliet fil-profil tiegħek.
  6. Uri s-suċċessi fil-karriera. Meta żżid deskrizzjoni għal kull impjieg tiegħek, tniżżilx biss ir-responsabbiltajiet. Minflok iffoka fuq il-kisbiet u s-suċċessi tiegħek f’dawk l-impjiegi - ħadt xi promozzjoni? Mexxejt xi kampanja ta’ suċċess?
  7. Ikkonnettja u agħmel netwerk. Ibda ibni netwerk professjonali billi żżid il-kuntatti eżistenti tiegħek, imbagħad kabbru billi tfittex nies li jaħdmu fl-industrija tiegħek. Meta tibgħat talba lil xi ħadd biex jikkonnettja miegħek, żid nota personali.
  8. Iġbor rakkomandazzjonijiet Jekk tista’, itlob rakkomandazzjoni waħda minn kollega jew minn superviżur minn kull impjegatur tiegħek. Jekk ħdimt biss f’kumpanija waħda jew tnejn, itlob lil diversi kollegi biex jiktbu rakkomandazzjoni f’ismek.
  9. Involvi ruħek man-netwerks professjonali tiegħek. LinkedIn jippermettilek tingħaqad ma’ gruppi li jiffokaw fuq kwalunkwe kamp professjonali. Involvi ruħek ma’ dawk il-gruppi billi tikteb posts, tikkummenta u tiskambja l-kontenut tagħhom. Il-gruppi huma wkoll il-postijiet ideali biex tikkonnettja ma’ iktar nies u żżidhom man-netwerk professjonali tiegħek.
  10. Żid links u mezzi oħrajn. Jekk kont involut/a f’xi kampanja b’xi vidjow jew inti awtur ta’ xi pubblikazzjonijiet, agħmel link għalihom fil-profil tiegħek. Jekk għandek sit web jew portafoll li juri x-xogħol tiegħek online, agħmel link għalihom ukoll idealment fi ħdan it-titolu ewlieni jew is-sommarju tiegħek.

Qed tfittex modi oħra ta’ kif tispikka mill-folla u ttejjeb l-opportunitajiet ta’ impjieg tiegħek? Ara l-aħjar pariri tagħna biex tikteb ittra ta’ introduzzjoni li tħalli impatt, tissimplifika s-CV tiegħek u biex tgħaddi mill-intervista tiegħek.

 

Links relatati:

Dashboard ta’ EURES għall-persuni li qegħdin ifittxu l-impjieg

 

Aqra aktar:

Jiem l-Impjiegi Ewropej

Drop’pin@EURES

Sib Konsulent tal-EURES

Kundizzjonijiet tax-xogħol u l-għajxien fil-pajjiżi tal-EURES

Il-Bażi ta’ Data tal-Impjiegi tal-EURES

Is-servizzi tal-EURES għall-impjegaturi

Il-Kalendarju tal-Avvenimenti tal-EURES

Avvenimenti Onlineli ġejjin

L-EURES fuq Facebook

L-EURES fuq Twitter

L-EURES fuq LinkedIn

Temi
Ideat u SuġġerimentiMidja soċjali
Sezzjoni(jiet) relatati
L-Għajxien u x-Xogħol
Settur
Accomodation and food service activitiesActivities of extraterritorial organisations and bodiesActivities of households as employers, undifferentiated goods- and servicesAdministrative and support service activitiesAgriculture, forestry and fishingArts, entertainment and recreationConstructionEducationElectricity, gas, steam and air conditioning supplyFinancial and insurance activitiesHuman health and social work activitiesInformation and communicationManufacturingMining and quarryingOther service activitiesProfessional, scientific and technical activitiesPublic administration and defence; compulsory social securityReal estate activitiesTransportation and storageWater supply, sewerage, waste management and remediation activitiesWholesale and retail trade; repair of motor vehicles and motorcycles

Ċaħda

L-artikoli huma maħsuba biex jipprovdu lill-utenti tal-portal tal-EURES b'informazzjoni dwar suġġetti u xejriet kurrenti u biex jistimulaw id-diskussjoni u d-dibattitu. Il-kontenut tagħhom mhux bilfors jirrifletti l-opinjoni tal-Awtorità Ewropea tax-Xogħol (ELA) jew tal-Kummissjoni Ewropea. Barra minn hekk, EURES u ELA ma japprovawx websajts ta' partijiet terzi msemmija hawn fuq.